الشروط والأحكام: دبلومة ANP

آخر تحديث: ٢٠ أكتوبر ٢٠٢٦

الشروط دي بتنظّم الاشتراك في دبلومة ANP من NutriOmar. بالدفع والاشتراك، تكون قريت الشروط دي ووافقت عليها.

١. تعريفات

• NutriOmar: مقدّم الدبلومة، د. عمر حسام.
• المشترك: الشخص اللي دفع واتفعّل ليه حساب باسمه.
• المحتوى: كل فيديوهات الشرح، وملفات العرض (PDF)، والـ١٤ أداة وملحق، والاختبارات، ورسايل مجموعة الدعم.
• المنصة: الموقع اللي المحتوى متاح عليه.

٢. الاشتراك والتفعيل

• الاشتراك بيتأكد بعد استلام المبلغ كامل، أو الدفعة الأولى في حالة التقسيط.
• خدمة العملاء بتفعّل حسابك على المنصة خلال ساعات قليلة من تأكيد الدفع.
• بيانات التسجيل لازم تكون باسمك الحقيقي ورقمك انت.

٣. الأسعار

• الأسعار بالجنيه المصري للمقيمين داخل مصر فقط، وللمقيمين بالخارج السعر بالدولار. لو اتدفع بالجنيه من مقيم بالخارج، يحق لـ NutriOmar تطلب فرق السعر قبل التفعيل.
• سعر الإطلاق لأول ٧٥ مشترك بس. بعدهم، الخصم بيتشال أو يقل، وده مش بيأثر على اللي اشترك قبله.
• الاشتراك الجماعي ليه خصم إضافي من خدمة العملاء، بشرط إن كل مشترك ليه حساب منفصل باسمه.

٤. التقسيط

• التقسيط على ٣ دفعات: ٣,٠٠٠ جنيه وقت الاشتراك، و ٢,٥٠٠ بعد ٣٠ يوم، و ٢,٥٠٠ بعد ٦٠ يوم.
• لو دفعة ماتدفعتش في ميعادها، الوصول للمحتوى بيتوقف لحد ما تتدفع. ولو عدّى ٣٠ يوم من غير دفع، يحق لـ NutriOmar تقفل الحساب نهائيًا من غير استرداد اللي اتدفع.

٥. الوصول والتحديثات والدعم

• الوصول للمحتوى وأي تحديث جديد مستمر دايمًا، من غير أي تكلفة إضافية. لو المنصة اتغيرت، حسابك بيتنقل للمنصة الجديدة.
• المشاهدة أونلاين فقط، وتحميل الفيديوهات مش متاح.
• مجموعة الدعم على واتساب مستمرة دايمًا، ود. عمر بيرد فيها بنفسه على الأسئلة العلمية. ممنوع فيها الإعلانات والإساءة، ونشر محتواها بره المجموعة.

٦. الاختبارات والشهادة

• بعد كل جزء فيه اختبار، وفي الآخر شهادة إتمام من NutriOmar بعد اجتياز الاختبارات.
• الدبلومة مش معتمدة من جهة حكومية أو أكاديمية، والشهادة مش ترخيص بمزاولة المهنة.

٧. الحساب لشخص واحد بس

• الاشتراك شخصي ولفرد واحد. ممنوع تشارك حسابك أو بيانات دخولك مع أي حد، أو تبيعه أو تؤجره، أو تخلي حد يتفرج معاك بانتظام على حسابك.
• الـ١٤ أداة والملحق لاستخدامك انت في شغلك مع حالاتك، وتقدر تطبعها لنفسك. ممنوع تشاركها أو تبيعها أو تنشرها لغير المشتركين.

٨. منع التسريب

• ممنوع تسجيل الشاشة أو تصويرها، أو تحميل المحتوى بأي أداة، أو نسخه أو إعادة نشره أو بيعه، كله أو جزء منه، في أي مكان: جروبات، تليجرام، مواقع، أو كورسات تانية.
• كل المحتوى ملكية فكرية لـ NutriOmar ود. عمر حسام، ومحمي بقانون حماية حقوق الملكية الفكرية رقم ٨٢ لسنة ٢٠٠٢، وقانون مكافحة جرائم تقنية المعلومات رقم ١٧٥ لسنة ٢٠١٨.

٩. المتابعة التقنية لحماية المحتوى

عشان نحمي المحتوى وحق كل مشترك دفع، NutriOmar بتتابع تقنيًا استخدام كل حساب، ومن ضمن ده:

• الأجهزة والمتصفحات اللي بيتسجل منها الدخول.
• عناوين IP والأماكن التقريبية للدخول، والدخول من أكتر من مكان في نفس الوقت.
• مواعيد الدخول وعدد الجلسات.
• عدد مرات مشاهدة نفس المحتوى ونمط المشاهدة.
• علامة مائية ببيانات المشترك على المحتوى، بتساعد نعرف مصدر أي نسخة متسربة.
• حد أقصى لعدد الأجهزة المسموح بيها لكل حساب.
• البيانات دي بتُستخدم بس لحماية المحتوى، ومن حق NutriOmar تستخدمها كدليل في أي إجراء.

١٠. العقوبات

• لو ثبت إن حسابك بيستخدمه شخص تاني: الوصول بيتوقف فورًا ونهائيًا، من غير استرداد أي مبلغ، وبتتشال من مجموعة الدعم.
• لو ثبت تسريب أي جزء من المحتوى من حسابك: نفس اللي فوق، وكمان يحق لـ NutriOmar تاخد الإجراءات القانونية ضدك، وتطالب بتعويض مادي عن الضرر.
• مسؤولية حماية بيانات الدخول عليك. لو حسيت إن حد عرف بياناتك، بلّغنا فورًا عشان نغيرها.

١١. الاسترداد

• لو حسيت إن المحتوى نظري ومش تطبيقي، كلمنا على واتساب خلال ٧ أيام من تفعيل حسابك، وفلوسك ترجعلك كاملة.
• في حالة التقسيط، بيرجع المبلغ اللي اتدفع فعلًا.
• الفلوس بترجع بنفس طريقة الدفع خلال ٧ أيام عمل، والحساب بيتقفل.
• الاسترداد مش متاح بعد الـ٧ أيام، ومش متاح في أي حالة من حالات البند ١٠.

١٢. إخلاء المسؤولية

الدبلومة محتوى تعليمي للممارسين، مش استشارة طبية لحالة معينة. المشترك مسؤول عن تطبيق اللي اتعلمه في حدود تخصصه وترخيصه، وبيحوّل الحالات اللي محتاجة طبيب للطبيب المختص.

١٣. تعديل الشروط

الشروط دي ممكن تتحدّث، والنسخة الأحدث دايمًا منشورة على الموقع. بنود السعر والاسترداد بتمشي على الشروط اللي كانت سارية وقت الدفع، وبنود الاستخدام والحماية بتمشي على النسخة الأحدث.

١٤. التواصل

رقم واتساب NutriOmar الرسمي: +201033627141