سياسة الخصوصية
آخر تحديث: 20 أكتوبر 2026
السياسة دي بتوضح إزاي NutriOmar بتتعامل مع بياناتك لما تزور الموقع أو تتواصل معانا أو تشترك في أي خدمة.
1. مين إحنا
NutriOmar، د. عمر حسام وفريقه الطبي. لأي سؤال عن بياناتك: واتساب +201033627141.
2. الموقع مش بيطلب بياناتك
- مفيش على الموقع أي فورم بيطلب اسمك أو رقمك أو إيميلك.
- التقييم المجاني: إجاباتك ونتيجتك بتتحفظ على جهازك بس، ومش بتتبعت لينا ولا لأي جهة تانية. تقدر تمسحها بمسح بيانات الموقع من المتصفح.
3. لما تتواصل معانا أو تشترك
- لما تكلمنا على واتساب، بنشوف اسمك ورقمك واللي بتبعته، وبنستخدمهم عشان نرد عليك ونقدّملك الخدمة.
- الدفع: بيتم عن طريق EasyKash أو InstaPay أو فودافون كاش أو PayPal. إحنا مش بنشوف بيانات كارتك، وبيوصلنا بس تأكيد العملية والمبلغ.
- المتابعة الغذائية: بياناتك الصحية وتحاليلك وصورك مايشوفهاش غير الفريق الطبي اللي بيتابعك، ومش بننشر أي حاجة غير بإذن صريح منك ومن غير أي بيان يعرّف بيك.
- دبلومة ANP: بنستخدم اسمك ورقمك لتفعيل حسابك على المنصة، وبيانات الدخول والمشاهدة لحماية المحتوى، زي ما موضح في شروط الدبلومة.
4. القياس والإعلانات
- الموقع شغال على Cloudflare. بنستخدمه للاستضافة، ولتحديد البلد اللي بتزور منه عشان نعرضلك السعر بالعملة المناسبة، ولقياس عدد الزيارات.
- بنستخدم Meta Pixel وأداة القياس من ناحية السيرفر (Conversions API) من ميتا، عشان نعرف أنهي إعلاناتنا على فيسبوك وإنستجرام ناجحة. بيتسجل الصفحات اللي بتزورها وخطوات زي بدء التقييم أو الدفع.
- مش بنبعت لميتا ولا لأي جهة أي إجابة من إجابات التقييم، ولا وزنك، ولا أي معلومة عن حالتك الصحية.
- ميتا ممكن تستخدم ملفات ارتباط (Cookies) على جهازك. تقدر تمنعها من إعدادات المتصفح، أو تتحكم في الإعلانات اللي بتظهرلك من إعدادات الإعلانات في حسابك على فيسبوك وإنستجرام.
- فيديو الدبلومة بيتحمل من يوتيوب بس لما تدوس تشغله.
5. مين بيشوف بياناتك
مش بنبيع بياناتك ولا بنشاركها لأغراض تسويقية. بيشوفها بس فريقنا، والخدمات اللي محتاجينها لتشغيل الخدمة (الدفع، واتساب، الاستضافة، منصة الدبلومة)، أو لو القانون طلب كده.
6. حقوقك
من حقك تطلب تشوف بياناتك اللي عندنا، أو تصححها، أو تمسحها، برسالة على واتساب. بنرد خلال 7 أيام عمل. المسح ممكن يأثر على استمرار المتابعة لو اشتراكك لسه شغال.
7. تعديل السياسة
أي تعديل بيتنشر على الصفحة دي بتاريخ آخر تحديث.